Навагодні зварот Ціханоўскай зноў абагнаў зварот Лукашэнкі паводле колькасці праглядаў на Youtube.
«Нават у самыя цёмныя дні я бачу святло – таму што гляджу на вас», – казала Святлана Ціханоўская ў навагоднім звароце.
А беларусы глядзелі на яе. На Youtube-канале Ціханоўскай ейны навагодні зварот набраў на сярэдзіну дня 1 студзеня 245 тысяч праглядаў, яшчэ 107 тысяч – на Youtube-канале «Белсату», яшчэ 100 тысяч – на Youtube-канале «Страна для жизни», яшчэ 32 тысячы – на Youtube радыё «Свабода», яшчэ 65 тысяч – на Instagram Ціханоўскай. І гэта без уліку тэлеэфіру «Белсату» і жывога эфіру «Белсату» на Youtube.
Зварот Аляксандра Лукашэнкі адстае паводле праглядаў у інтэрнэце. Так, на Youtube ён набраў сумарна на каналах АНТ, АТН, БелТА і СТВ толькі 227 тысяч праглядаў.
Тым часам пад зваротам Лукашэнкі:
Менскія ўлады вырашылі ўпершыню за доўгі час не ладзіць феерверк. Менчукі ж вырашылі зладзіць свае ўласныя салюты – хто апоўначы, а хто ў 23.34 – у гонар «народнага» артыкулу за «несанкцыянаваную акцыю» (які перанумаравалі, цяпер гэта арт. 24.23 КаАП РБ).
АА belsat.eu