Жахі Паўлінкі

Пры канцы жыцця начныя жахі не давалі спакою Паўліне Мядзёлцы, выканаўцы галоўнай ролі ў класічнай п’есе Янкі Купалы «Паўлінка», якая выйшла ў Пецярбурзе ў 1913 г. Беларуская артыстка, педагог, мемуарыстка, грамадская дзяячка. Кім насамрэч была Паўліна Мядзёлка – ахвяраю нешчаслівага кахання ці хітраю, падступнаю жанчынаю, якая, бы тая Мата Хары, выконвала таемнае заданне?

Ейнае жыццё – гэта лёс Беларусі ў ХХ ст. Падзеленая дзяржаўнымі межамі, зняволеная, вымушаная ўцякаць і выжываць. Паўліна Мядзёлка жыла ў Вільні, Горадні, Лодзі, Берліне, Дзвінску. У 1925 г. перабралася ў Савецкую Беларусь, дзе займалася выкладчыцкаю дзейнасцю. Яе неаднаразова арыштоўвалі польскія, савецкія, латвійскія ўлады. Пасля таго як у 1931 г. яе выпусцілі з турмы ГПУ, яна трапіла ў псіхіятрычную лякарню.

Пазней, калі яе прызналі ўлады, з Мядзёлкаю шукалі сяброўства Уладзімір Караткевіч і Арсень Ліс, сям’я Гарэцкіх і Зоська Верас, яе падтрымлівалі высокія камуністычныя чыны і шанаваў Зянон Пазняк. Яе ведалі, любілі, цанілі.

За некалькі гадоў да смерці Паўліна Мядзёлка пачала актыўна ліставацца з Ларысаю Геніюш, паэткаю, што жыла ў мястэчку Зэльва на Гарадзеншчыне і прынцыпова не прымала савецкага грамадзянства. Мядзёлка прыехала да яе ў госці, шукала падтрымання.

Атэістку і шчырую прыхільніцу камуністычных ідэяў моцна цягнула да знакамітай дысідэнткі. І там, у сціплай хаце Геніюшаў, мінулае не давала ёй і гаспадарам спакойна спаць.

Чаму Ларыса Геніюш спачатку прыняла ў сябе прылашчаную савецкімі ўладамі Мядзёлку, а потым папрасіла яе больш не прыязджаць?

Якая таямніца падзяліла жанчын? Што ў 1969 г. здарылася паміж беларускімі літаратаркамі? Глядзіце ў чарговай серыі «Лабірынтаў».

Глядзець іншыя серыі «Лабірынтаў»

Больш матэрыялаў

Скрадзеная «Ева» Суціна вяртаецца

Чаму Сталін хацеў сустрэцца з Купалам, і што яму прапаноўвалі?

Машэраў знішчыў вірус свабоды?

Як Караткевіч змагаўся за нацыянальны блокбастар

Кроў. Масаж. Каханне. Новыя факты жыцця Алаізы Пашкевіч

Куля для КДБ ад Васіля Быкава

Што Язэп Драздовіч рабіў на Сатурне?

Шукайце жанчыну. Як НКВД ламаў пісьменніка Галавача