На дзяржаўных прадпрыемствах будуць масавыя звальненні?

Статыстыка запэўнівае: беспрацоўе ў Беларусі нізкае. Незалежныя эксперты б’юць трывогу – лічбы моцна разыходзяцца з рэальнасцю, і ў хуткім часе без працы можа застацца яшчэ больш грамадзянаў.

Пакуль што жыхары краіны спраўляюцца з пошукам працы без дапамогі дзяржавы. Афіцыйная дапамога беспрацоўным у Беларусі звычайна не дацягвае да 10 долараў у эквіваленце. А заняткі, якія прапаноўваюць на біржы, не адпавядаюць патрэбам большасці тых, хто шукае працу.

Людзі сыходзяць у самазанятасць або з’язджаюць з краіны. Менавіта з-за гэтага мы не можам намаляваць партрэту тыповага беларускага беспрацоўнага, зазначае госця праграмы «Размова» Віталя Цыганкова эканаміст Беларускага эканамічнага даследча-адукацыйнага цэнтру Марыя Акулава.

Эканамічны крызіс, праявы якога немагчыма не заўважаць, можа прывесці да скарачэння колькасці працоўных месцаў. Пад ударам у першую чаргу самыя ўразлівыя групы – людзі з інваліднасцю, пенсіянеры, працаўнікі дзяржпрадпрыемстваў.

Што можа зрабіць дзяржава і самі грамадзяне, каб не застацца без працы? Пра гэта ў «Размове» Віталя Цыганкова і эканаміста Марыі Акулавай.

Спецыяльна для тых, каму зручней слухаць, а не глядзець, «Размова» запускае падкасты. Калі вы займаецеся хатнімі справамі, кіруеце машынай ці проста не жадаеце сачыць за мільгаценнем кадраў – гэта для вас:

Праграма «Размова» выходзіць на «Белсаце» з панядзелка да чацвярга а 21:20. Глядзіце праз спадарожнік «Астра 4A» (ранейшая назва «Sirius 4»), онлайн і ў архіве на нашай старонцы.
А таксама падпісвайцеся на «Размову» ў Facebook, ВКонтакте, «Одноклассниках», Twitter, Instagram і Telegram.
Калаж з фота pixabay.com і ru.wikipedia.org

Больш матэрыялаў

Колькі сядзець Бабарыку і Калеснікавай?

Ці забастуюць салігорскія шахцёры?

Чаму Лукашэнка прыкарміў менавіта хакеістаў?

Што адкажа Лукашэнка на ўльтыматум ад Ціханоўскай?

Мікола Дзядок: Беларуская рэвалюцыя – феномен у сусветнай гісторыі

Міліцыянты ў рэгіёнах адхрышчваюцца ад зверстваў менскіх калегаў

Былы супрацоўнік МУС: Сілавікі толькі чакаюць радыкалізацыі пратэстаў

Лукашэнка хоча перагуляць дамовы паміж Расеяй і Захадам