Кроў. Масаж. Каханне. Новыя факты жыцця Алаізы Пашкевіч

Жахі рэальнасці могуць быць настолькі вялікімі, што часам не хочацца жыць. Як добра, калі ў гэты момант побач імпэтная, яркая, самаахвярная жанчына – такая, як Алаіза Пашкевіч.

Алаіза Пашкевіч, больш вядомая пад псеўданімам Цётка, – першая жанчына-зорка беларускай літаратуры. Зусім юны пісьменнік Максім Гарэцкі, які прайшоў жахі 1-ае сусветнае вайны, не хоча жыць, для яго лепей памерці, чым спаткацца з рэчаіснасцю. У той самы час пасля здушэння рэвалюцыі 1905 года шмат хто з сяброў Цёткі быў забіты ды арыштаваны.

«Як ты думаеш, што тады адчувала я? Калі сябры праз маю пісаніну ішлі на верную смерць? Ці змог бы ты з гэтым жыць? Ты так часта пісаў пра смерць, што нават у доктара прасіў цыяністага калію. (…) Жыць не мае сэнсу, кахання няма, сухоты точаць, беларуская справа табе не цікавая, а з годам надакучала», – даводзіць Максіму Гарэцкаму Алаіза Пашкевіч тое, што не толькі ён спазнаў пекла.

Жыццё і смерць, нявер’е ва ўласныя сілы і апошняя спроба вярнуць сабе і бліжняму моц, каб фізічна і маральна захавацца. Алаіза Пашкевіч у скрусе ўзгадвае героя свайго апавядання сірату Міхаську – беднага сялянскага хлопчыка, які, як беларуская нацыя, нараджаўся ў пакутах, быў слабы і ад самага пачатку прайграваў выклікам лёсу.

Ці атрымаецца ў Алаізы Пашкевіч вярнуць Максіму Гарэцкаму цягу да жыцця, натхніць яго і вярнуць веру ў беларускую справу? Якую ролю ў гэтым адыгрывае патрыярх беларускага руху Іван Луцкевіч? Усё гэта – у новым фільме «Лабірынты».

НІ, belsat.eu

Больш матэрыялаў

Чаму Сталін хацеў сустрэцца з Купалам, і што яму прапаноўвалі?

Машэраў знішчыў вірус свабоды?

Як Караткевіч змагаўся за нацыянальны блокбастар

Куля для КДБ ад Васіля Быкава

Што Язэп Драздовіч рабіў на Сатурне?

Шукайце жанчыну. Як НКВД ламаў пісьменніка Галавача

Кармэн у вышыванцы супраць опернай дзівы з Масквы. Хто каго перамог?

Пэн: паміж сякераю і Парыжам