&feature=youtu.be
У гандлёва-эканамічным рэчышчы супраца вельмі актыўная. Пра гэта пад час асабістай сустрэчы з прэзідэнтам Украіны Пятро Парашэнка заявіў кіраўнік Беларусі.
Сустрэча адбылася не ў Менску і не ў Кіеве, а ў Аб’яднаных Арабскіх Эміратах, дзе Аляксандр Лукашэнка перабывае ўжо больш за тыдзень. Абодва кіраўніка знаходзяцца ў ААЭ з працоўнымі візітамі.
Аляксандр Лукашэнка сумяшчае гэтую працоўную паездку з адпачынкам.
«Самая высокая асоба з эміратскага боку – міністр юстыцыі. Зразумела, што гэта не той узровень мерапрыемства, каб ляцець туды па працы. Таму пакуль такое ўражанне, што тут больш прыемнага, чымся карыснага», – кажа палітычны аглядальнік Аляксандр Класкоўскі.
Паводле Класкоўскага, «Лукашэнка абрадаваўся, што Парашэнка пралятаў міма» і іхная сустрэча адбылася.
«Я думаю, што проста папрасілі: Пятро, давай пасядзім перад камерамі. Бо, мяркуючы па справаздачах, гутарка была вельмі павярхоўная і хутчэй для птушачкі», – мяркуе госць праграмы «Гарачы каментар».