Рубель ліхаманіць: абменны курс з доларам дасягнуў максімуму за апошнія гады. Варта бегчы ў абменнік ці крохкі эканамічны дабрабыт беларусаў ужо нішто не ўратуе? Пра гэта ў «Размове» разважаюць Віталь Цыганкоў і Яраслаў Раманчук.
Стасункі паміж афіцыйнымі Менскам і Масквой пагоршыліся да той ступені, якая не дазваляе марыць пра датацыі для беларускай эканомікі. Падушкі бяспекі хопіць яшчэ на некалькі месяцаў. Што будзе далей? На думку эканаміста Яраслава Раманчука, крокі трэба рабіць вельмі канкрэтныя. Напрыклад, мяняць прэм’ера і не выдаткоўваць грошы на датацыйныя галіны эканомікі.
Ці «дажыве» прэм’ер-міністр Сяргей Румас да выбараў? І ці чакае нас крызіс узору 1990-х? Глядзіце ў поўнай версіі праграмы «Размова» з Віталём Цыганковым і эканамістам Яраславам Раманчуком.
