25 сакавіка 2017 года 16-гадовую Яну Чуліцкую збілі прадстаўнікі праваахоўных органаў падчас вулічнай акцыі. Дзяўчына проста праходзіла побач. Сёння Яна Чуліцкая жыве з наступствамі траўмы, якую атрымала тры гады таму, – у яе выявілася цяжкая форма эпілепсіі. Дзяўчына не можа паўнавартасна працаваць, вучыцца, нават перасоўвацца адна на далёкія адлегласці. Пакуль за злачынства ніхто не адказаў, але Яна не губляе надзеі пакараць вінаватых.
«Я звярнулася ў праваабарончую арганізацыю «Вясна», дзе мне дапамаглі скласці заяву, – згадвае Яна. – Следчы забраў мае медычныя карты, а пасля пастановы аб адмене завядзення крымінальнай справы ён вярнуў усе справы, напэўна, толькі праз восем месяцаў. З карты вырвалі аркушы з КТ маім, гэта нават відаць».
Яна Чуліцкая не складае рук, яна падтрымлівае сувязь са зняволенымі актывістамі анархісцкага руху і спадзяецца, што зможа палепшыць свой стан і пакараць тых, хто адказны за яе праблемы.
Сёння Яне патрэбныя дарагія лекі, абследаванні. Кожны ахвочы можа падтрымаць дзяўчыну і перавесці грошы на яе лячэнне. Яна будзе ўдзячная за любую дапамогу ўсім неабыякавым.
Рэквізіты для збору сродкаў на лячэнне Яны Чуліцкай:
4255 2003 0230 5602
06/22
CHULITSKAYA YANA (VISA BELARUSBANK)
Спецыяльна для тых, каму зручней слухаць, а не глядзець, «Размова» запускае падкасты. Калі вы займаецеся хатнімі справамі, кіруеце машынай ці проста не жадаеце сачыць за мільгаценнем кадраў – гэта для вас.
