Калі расейскія войскі атакавалі Украіну з тэрыторыі Беларусі, украінцы пачалі вінаваціць у гэтым беларусаў. Але потым нашыя суседзі зразумелі, хто такі Лукашэнка і што адбылося ў Беларусі ў 2020 годзе.
Расейскія войскі выкарысталі тэрыторыю Беларусі як плацдарм для нападу на Украіну. Гэта зрабіла з Беларусі краіну-агрэсара. Хтосьці з беларусаў адчуў віну, хтосьці з украінцаў пачаў вінаваціць беларусаў.
Што можа выратаваць адносіны паміж беларусамі і ўкраінцамі? Ці раздзяляюць украінцы беларусаў і рэжым Лукашэнкі? Ці трэба ўвогуле іх раздзяляць?
Пра адносіны паміж беларусамі і ўкраінцамі мы паразмаўлялі з Раманам Корбутам, актывістам арганізацыі «Еўрамайдан-Варшава». Гэтая арганізацыя ўзнікла ў лістападзе 2013 года як грамадзянская ініцыятыва, каб падтрымаць украінцаў у іхным імкненні да еўраінтэграцыі. А нядаўна «Еўрамайдан-Варшава» ўдзельнічала ў блакаванні польска-беларускае мяжы, каб не даць фурам везці тавары ў краіны-агрэсары.
«Старайцеся гаварыць на беларускай мове нават з украінцамі або нават з палякамі. Будзе зусім іншая рэакцыя, – заклікае Раман. І тлумачыць: – Калі беларусы гавораць па-расейску, тады ўкраінцы пачынаюць сумнявацца і думаць, з кім ты і на чыім ты баку? А калі беларусы пачынаюць гаварыць па-беларуску, то 99 %, што гэта вольны беларус, з якім ты на адным баку барыкады».
У граматычнай частцы высвятлялі гісторыю этнонімаў «маскаль» і «кацап».
Стаўленне – рус. отношение
Абвінавачванне – рус. обвинение
Удзельнічаць – рус. участвовать
Адхон = адкос
Пашкоджваць рэйкі – рус. портить рельсы
Абсталяванне – рус. оборудование
Квітнець – рус. цвести
Поўна = шмат
Буйны – рус. крупный
Дзівіць – рус. удивлять
Прымаўка – рус. поговорка
Спрыяць – рус. благоприятствовать
Адукацыйную праграму «Мова Нанова» глядзіце кожную нядзелю а 18:10 на тэлеканале «Белсат» праз спадарожнік «Астра 4A» (ранейшая назва – «Sirius4»), онлайн або ў закладцы «Праграмы» на нашай старонцы.
Калаж з фота: Didor Sadulloev / Reuters / Forum; Mikhail Klimentyev (TASS)