Парламент Арменіі прагаласаваў за ратыфікацыю Рымскага статуту. Для Пуціна гэта азначае, што калі ён прыляціць у Арменію з візітам – можа апынуцца за кратамі. Як на гэтую навіну адрэагавала Масква?
У мінулым выпуску мы распавядалі, што ў распараджэнні «Медузы» апынулася метадычка, якую адміністрацыя Пуціна накіравала ва ўсе падкантрольныя Крамлю СМІ:
А некалькі дзён таму парламент Арменіі прагаласаваў за ратыфікацыю Рымскага статуту Міжнароднага крымінальнага суда (МКС) у Гаазе. Такім чынам, краіна прызнала юрысдыкцыю МКС на сваёй тэрыторыі. Гэты суд раней выдаў ордэр на арышт Уладзіміра Пуціна.
Мяркуючы па рэакцыі Дзмітрыя Пяскова і Сяргея Лаўрова, метадычку, складзеную з негатыўным наратывам у бок Арменіі, тэрмінова вырашылі перапісаць. Цяпер трэба казаць пра «векавыя сувязі Расеі з Арменіяй» і пра тое, што расейцаў «вельмі многае аб’ядноўвае з брацкім армянскім народам».
Падрабязней – у новым выпуску праграмы «Лукавыя навіны».
Таксама ў праграме:
- Тыгран Кеасаян схаваў ад жонкі, што ён рускі
- Рэакцыя Крамля на ядравы ўльтыматум Маргарыты Сіманьян
- Менск разгубіўся і не ведае, як гаварыць пра Арменію і Азербайджан
- Лукашэнкаўская Беларусь самасцвярджаецца за кошт Польшчы
- Госць Уладзіміра Салаўёва «абмовіўся па Фрэйду»
- «Першы канал» пераконвае, што Уладзімір Зяленскі такі ж ізгой, як Пуцін
Праграму «Лукавыя навіны» глядзіце праз спадарожнік «Астра 4A» (ранейшая назва «Sirius 4»), онлайн, у архіве на нашым сайце або на канале YouTube.
Калаж з фота: kremlin.ru
belsat.eu / ІР
