Праграмы

У ЗША дзеці з голаду ядуць пацукоў. За шэсць гадоў, якія прайшлі з часоў гэтай знакамітай гісторыі, апублікаванай на БТ, прапаганда ў СМІ змянілася кардынальным чынам. Маніпуляцыі цяпер нярэдка пакуюцца ў форму, якая, на першы погляд, выглядае шматбаковай і аб'ектыўнай. А фэйкавыя навіны змешваюцца з элементамі праўды так, што падман, без спецыяльнага даследавання, не бачны нават спрактыкаванаму воку. У праграме «Лукавыя навіны», нашы журналісты старанна правяраюць паведамленні як у дзяржаўнай, так і ў незалежнай прэсе і паведамляюць, калі вамі маніпулявалі, калі недагаворвалі, а калі і зусім казалі няпраўду.