Дзе ўзяць фота для ілюстрацыі тэхналагічнага адставання і эканамічнай разрухі? У Самарскай вобласці! – усклікнуць супрацоўнікі пуцінскага інтэрнэт-выдання «Украина.ру». Падрабязнасці – у новым выданні праграмы «Лукавыя навіны».
У тэлеграм-канале «Украина.ру» вывесілі фатаграфію брамы нібыта касмадрома імя Сцяпана Бандэры са здзеклівым подпісам: «Тут у космас пасылаюць?..»
Ва Украіне няма не толькі касмадрома імя Бандэры, але і прадстаўленай на фота брамы. Вароты гэтыя знаходзяцца ў Самарскай вобласці. Гэта рэшткі свінатаварнай фермы ля пасёлку Дубовы Умёт.
Пуцінскія прапагандысты выдаюць расейскую разруху за разруху ўкраінскую. Мабыць, у разбуранай расейскімі войскамі Украіне не знайсці настолькі бездапаможных і спустошаных лакацый, як у «паднятай Пуціным з каленяў» Расеі.
Таксама ў новым выданні праграмы «Лукавыя навіны»:
Калаж з фота: Uriy_Prokofiev / Живой журнал, скрыншот Яндекс Карты