Журналіст «Белсату» Ігар Ільяш.
Фота: ДД / belsat.eu
Сваякі затрыманага два дні таму журналіста «Белсату» даведаліся пра яго месцазнаходжанне.
Доўга было невядома, дзе знаходзіцца затрыманы яшчэ ў аўторак журналіст Ігар Ільяш. 25 лістапада суд Цэнтральнага раёну прысудзіў яму 15 содняў нібыта за ўдзел у пікетаванні 26 кастрычніка. Хоць на самой справе Ігар не прымаў удзелу ў пікеце і нават не асвятляў яго ў якасці журналіста.
Сёння ад 6:00 сваякі дзяжурылі каля ЦІП і ІЧУ на Акрэсціна, каб перадаць асабістыя рэчы Ігару. Але ў спісах яго там не было, рэчы не прынялі.
Таксама Ігара не было ў спісах таксама ў ІЧУ Жодзіна, Баранавічаў і Магілёва. Па тэлефоне 102 родным не казалі, дзе ён знаходзіцца.
- Журналісту «Белсату» Ігару Ільяшу прысудзілі 15 содняў нібыта за ўдзел у пікетаванні 26 кастрычніка.
- Жонку Ігара Ільяша, Кацярыну Андрэеву, затрымалі 15 лістапада за стрым на плошчы Пераменаў. Ёй выставілі абвінавачанне ў арганізацыі дзеянняў, якія груба парушаюць грамадскі парадак (арт. 342 КК).
- 24 лістапада Кацярыну Андрэеву праваабаронцы прызналі палітзняволенай.
- Паводле падлікаў Беларускай асацыяцыі журналістаў, за час выбараў і поствыбарчы перыяд ахвярамі пераследу сталі 390 журналістаў, 77 з якіх прайшлі праз адміністратыўны арышт.
belsat.eu
