Замест банкаматаў: беларусы змогуць здымаць грошы ў крамах


З новага году беларусы змогуць здымаць грошы з картак проста ў касах крамаў і арганізацыяў, якія надаюць паслугі. Пра гэта гаворыцца ў праекце пастановы праўлення Нацыянальнага банку.

Паводле дакументу, з 1 студзеня наяўныя змогуць выдаваць у сельскай мясцовасці, малых гарадах і па-за населенымі пунктамі, а праз два гады – па ўсёй Беларусі, паведамляе TUT.by.

«Беларусбанк» павышае аплаты за аперацыі па банкаўскіх картках

Сума адной выдачы наяўных не павінна перавышаць 10 базавых велічынь (255 рублёў). Пры гэтым неабходна будзе разлічыцца карткай за тавар або паслугу.

У Нацбанку растлумачылі, што пры падрыхтоўцы дакументу ўлічваліся скаргі грамадзянаў на скарачэнне колькасці банкаматаў (за 3,5 гады іх колькасць знізілася з 4414 да 4281) і зацікаўленасць юрыдычных асобаў, банкаў і міжнародных аплатных сістэмаў развіваць новую паслугу.

МГ belsat.eu

Глядзі таксама
Каментары