За содні колькасць новых выпадкаў COVID-19 трохі знізілася.
За мінулы дзень у Беларусі зарэгістравалі 1805 выпадкаў COVID-19, памерлі дзевяць чалавек, выпісаліся са шпіталяў 2177 пацыентаў, паведаміла Міністэрства аховы здароўя.
За содні колькасць новых выпадкаў COVID-19 трохі знізілася: 7 студзеня зарэгістравалі 1838 выпадкаў заражэння (9 смерцяў).
Агульная колькасць пацверджаных выпадкаў COVID-19 у краіне – 208 601, памерлі 1498 пацыентаў. Паправіліся 190 966 асобаў.
За мінулыя содні выканалі 21 963 тэсты на каронавірус (усяго – 4 114 543 тэсты).
ІК, belsat.eu