З начнога клуба ў Менску эвакуявалі 170 чалавек


У начным клубе ў Менску па вуліцы Прытыцкага 62 а шостай гадзіне раніцы 11 студзеня адбыўся пажар. На момант здарэння ў памяшканнях установы знаходзіліся каля 150 наведнікаў і 20 асобаў персаналу. Да прыезду ратавальнікаў яны пакінулі будынак, паведамляе прэсавая служба МНС.

Паводле папярэдніх звестак, пажар у клубе ўзнік праз замыканне электраправодкі і асвятляльнай сеткі.

Працаўнікі МНС патушылі агонь. Паведамляецца, што ў выніку пажару ніхто не пацярпеў.

Яшчэ да прыбыцця ратавальнікаў адміністрацыя клуба эвакуявала 150 наведнікаў і 20 асобаў персаналу. Прычыны інцыдэнту высвятляюцца.

Hавiны
За першыя чатыры дні 2020 году на пажарах загінулі 15 чалавек
2020.01.04 14:41

СК belsat.eu

Стужка навінаў