Тэлефануюць у Беларусь, прадстаўляюцца сацыёлагамі і распытваюць тутэйшых абанентаў пра іхнае стаўленне да ўнутранай палітыкі ды Расеі.
Як распавёў адзін з апытаных у каментары «Белсату», яму патэлефанавалі на мабільны тэлефон з невядомага нумару, прадставіліся супрацоўнікамі нейкага «Цэнтру даследаванняў грамадскага меркавання» і задалі каля дзесяці пытанняў: пра бачанне далейшых стасункаў Беларусі і РФ, ці падымалася тэма саюзу з РФ на парламенцкіх выбарах і ці магла б паўплываць на стаўленне да кандыдата і г.д.
Таксама таго, хто тэлефанаваў, цікавіла, на якой мове ішла перадвыбарная агітацыя, як часта рэспандэнт бывае ў Расеі і адкуль бярэ інфармацыю пра яе, адкуль паходзіць і які ягоны век.
Назва даследчага цэнтру, які назвалі нашаму сурызмоўцы, хутчэй за ўсё, некарэктная – інфармацыі пра яе ў сеціве знайсці не атрымалася.
Па нумары, з якога тэлефанавалі нібыта сацыёлагі, ніхто не адказвае.
МГ belsat.eu