Пра гэта «Белсату» распавёў кіраўнік грамадскай дырэкцыі народнага мемарыялу «Курапаты» Алесь Чахольскі.
26 красавіка ў Курапаты прывезлі некалькі драўляных лаваў з металічным каркасам. Алесь Чахольскі паведаміў, што ў другой палове дня рабочыя пачалі бетанаваць іх у трыццаці метрах ад Крыжа Пакутаў.
Актывісты адразу далі лавам імя Лукашэнкі – па аналогіі з лавай Клінтана, якую амерыканскія ўлады прывезлі ў Курапаты падчас візіту амерыканскага прэзідэнта ў Беларусь.
Карэспандэнт «Белсату» налічыў на месцы пяць новых лаваў:
«Цэмент яшчэ свежы».
«Курапаты мы ў парадак прывядзем – хоча гэта нехта або не хоча. Там пахаваныя нашыя людзі, і цяпер варушыць іх косці і глядзець, хто гэта – немцы, сталіністы або нехта яшчэ – мне неяк не хочацца. Вы навошта там белыя крыжы ўсталявалі па перыметры? Гэта дэманстрацыя. А я супраць такой дэманстрацыі», – заявіў Лукашэнка.
ДД belsat.eu