Кіраўнік дзяржаўнага Камітэта па кантролю над каштоўнымі паперамі Лю Шыюй заявіў, што шасцёра былых высокапастаўленых чыноўнікаў планавалі адхіліць ад улады лідара Камуністычнай Партыі Сі Цзіньпіна.
Гэтыя чыноўнікі былі арыштаваныя ў рамках запушчанай Сі Цзіньпінам маштабнай антыкарупцыйнай кампаніі.
У прыватнасці, ён назваў імя былога міністра грамадскай бяспекі Кітая Чжоу Юнкан, асуджанага да пажыццёвага зняволення ў 2015 годзе. Таксама сярод названых Лю чыноўнікаў апынуўся былы кіраўнік партыйнай арганізацыі прамысловага цэнтру Чунцын Бо Сілай, прысуджаны да пажыццёвага тэрміну ў 2013 годзе, і былы сябра Палітбюро Сунь Чжэнцай, затрыманы ў ліпені гэтага года.
Пералічаная кіраўніком камітэт чыноўнікі «былі неверагодна прагныя і карумпаваная, яны планавалі захапіць кантроль над партыяй і над дзяржаўнай уладай», заявіў Лю Шыюй, выступаючы на XIX з’езде Камуністычнай партыі Кітая ў Пекіне. Таксама Лю назваў імёны Лін Цзіхуа, арыштаванага ў 2015 годзе, генерала арміі Сюя Цайхоў, які памёр у тым жа годзе, і генерал-палкоўніка Го Басюна, асуджанага да пажыццёвага зняволення ў мінулым годзе паводле абвінавачвання ў хабарніцтве.
З выступу Лю не было зразумела, ці казаў ён пра адну змову, у якой удзельнічалі ўсе пералічаныя чыноўнікі, або пра некалькі спробаў перавароту.
На думку назіральнікаў, заява Лю пацвярджае падазрэнні, што ўнутры кампартыі існуе сур’езны канфлікт.
ІІ, belsat.eu, паводле Бі-бі-сі. Фота – REUTERS/Tyrone Siu
