Ва Украіне спыніла дзеянне забарона на ўезд замежнікаў на тэрыторыю краіны, звязаная з пандэміяй.
З 28 верасня можна зноў перасякаць і беларуска-украінскую мяжу. Аднак застаюцца ў сіле абмежаванні, звязаныя з эпідэміялагічнаю бяспекаю, паведаміў прадстаўнік Дзяржаўнай памежнай службы краіны Андрэй Дземчанка.
Месяц таму, 27 жніўня, урад унёс змены ў пастанову № 641 «аб усталяванні каранціну і ўкараненне ўзмоцненых супрацьэпідэмічных мерапрыемстваў», абмежаваўшы ўезд замежных грамадзянаў на тэрыторыю Украіны з 00.00 28 жніўня да 00.00 28 верасня.
Абмежаванні не закранулі замежнікаў, якія маюць від на жыхарства ў Украіне, замежных грамадзянаў, якія ідуць транзітам і маюць дакументы, якія пацвярджаюць выезд на працягу двух дзён, а таксама асобаў, якія навучаюцца ва ўкраінскіх ВНУ ды прадстаўнікоў міжнародных місіяў.
ЮЦ Belsat.eu
