У ЗША аштрафавалі «Facebook» на рэкордныя $ 5 млрд


Марк Цукерберг. Фота EPA/KAY NIETFELD

Федэральная гандлёвая камісія ЗША афіцыйна абвесціла пра штраф для «Facebook’у» на $ 5 млрд за выцек звестак карыстальнікаў. Пра гэта паведамляе «Associated Press».

Акрамя штрафу, заснавальнік кампаніі Марк Цукербэрг будзе несці асабістую адказнасць за прытрымліванне патрабаванням прыватнасці. У выпадку невыканання гэтых нормаў яго могуць прыцягнуць да крымінальнай адказнасці.

Штраф у $ 5 млрд стаў рэкордным у гісторыі Федэральнай гандлёвай камісіі ЗША.

Hавiны
«Facebook» перадаваў персанальныя дадзеныя карыстальнікаў мінімум 60 кампаніям
2018.06.04 13:40

Нагадаем, што «Facebook» за апошнія дзесяць гадоў заключыў пагадненні аб перадачы звестак сваіх карыстальнікаў прынамсі з 60 кампаніямі – вытворцамі мабільных прыладаў, уключаючы «Apple», «Amazon», «BlackBerry», «Microsoft» і «Samsung».

Кампанія давала партнёрам доступ да звестак карыстальнікаў і іх сяброў без іх згоды нават пасля таго, як заявіла, што больш не будзе перадаваць падобную інфармацыю трэцім бакам.

Hавiны
Міністра абароны Вялікай Брытаніі звольнілі праз уцечку інфармацыі пра перамовы з Huawei
2019.05.02 07:45

Некаторыя партнёры «Facebook’у» мелі доступ да інфармацыі аб сямейным становішчы карыстальніка, яго рэлігійных і палітычных поглядах, а таксама аб падзеях, якія ён збіраўся наведаць.

МГ belsat.eu

Стужка навінаў