Палітзняволеныя абвясцілі галадоўку і адмовіліся выконваць загады адміністрацыі. Аб гэтым паведамляе кампанія #DissidentBy на сваёй старонках у сацсетках.
У жодзінскім ІЧУ быў бунт 10 жніўня. Аб гэтым «Белсату» паведаміў анархіст, каардынатар кампаніі #DissidentBy Вячаслаў Касінераў. Ён кажа, што палітзняволеныя адмовіліся выконваць загады адміністрацыі і абвясцілі галадоўку. Гэтую інфармацыю ён атрымаў ад матулі аднаго са зняволеных.
«Прычынаю бунту стала нязгода з злачыннымі затрыманнямі і тэрорам дыктатара супраць народу», – кажа Вячаслаў Касінераў.
Паводле яго да Жодзінскага ІЧУ адразу сцягнулі АМАП і хуткую дапамогу.
«Некалькім людзям стала блага праз галадоўку», – паведамляе Касінераў.
Ад 9 жніўня па ўсёй Беларусі трываюць пратэсты супраць вынікаў прэзідэнцкіх выбараў. Яны брутальна разганяюцца, ёсць загінулыя і моцна траўмаваныя людзі.
МУС паведаміў, што былі заведзеныя крымінальныя справы аб масавых беспарадках і гвалце ў дачыненні да міліцыянтаў.
КТ belsat.eu