Аперацыя па ліквідацыі тэрарыстаў і вызваленні закладнікаў завершаная. МУС Тунісу паведаміла пра 17 забітых турыстаў.
Тэрарысты з аўтаматамі Калашнікава і гранатамі захапілі закладнікаў у цэнтры сталіцы і трымаюць іх у музеі «Бардо».
Таксама стала вядома, што напад ажыццяўляўся таксама на парламент краіны, але не да канца зразумела, якую мэту пераследавалі баевікі.
[vc_single_image image=”3″ img_size=”large”]
Першыя звесткі пра здарэнне прыйшлі ад мясцовага радыё. Зараз вядома як мінімум пра восем загінулых ад рук трох нападнікаў у тэрарыстычным акце. Інфармацыю пацвердзіла МУС Тунісу.
У музеі падчас нападу знаходзіліся больш за 200 турыстаў, піша ў Twitter незалежная журналістка Фара Самці.
Адзін з закладнікаў выклаў фотаздымак групы людзей захопленых баевікамі на свой профіль у твітэры.
[vc_single_image image=”5″ img_size=”large”]
Праз Twitter МЗС Польшчы заяўляе, што на момант нападу ў музеі былі каля 36 грамадзянаў Польшчы. Па неафіцыйных звестках міністэрства 4 чалавекі з гэтай групы былі забітыя. 20 знаходзяцца ў бяспецы, ім нічога не пагражае.
«Ісламская дзяржава» узяла на сябе адказнасць за сённяшні тэракт.