«Незразумела ніводнаму чалавеку цвярозага розуму ў Расеі, чаму Беларусь, братэрская нам рэспубліка, з якой мы будуем Саюзную дзяржаву, паводзіць сябе такім чынам», – заявіў ён, піша РИА «Новости».
На яго думку, беларускія ўлады такім чынам імкнуцца прадэманстраваць сваю незалежнасць ад Расеі і гатовасць «прытрымлівацца ўсіх міжнародных указівак ЗША».
«Гэта здрада», – падкрэсліў дэпутат.
Пра затрыманне Ганны Багачовай першымі паведамілі расейскія СМІ. Грамадзянка Расеі праходзіць па справе аб умяшальніцтве ў амерыканскія выбары. Багачова ўваходзіць у спіс з 13 грамадзянаў Расеі, якім высунулі абвінавачанні пасля расследавання спецпракурора ЗША Робэрта Мюлера. У амбасадзе РФ у Менску заяўляюць, што жанчына зараз знаходзіцца на волі.
Ганне Багачовай 31 год. Раней яна была актывісткай расейскіх нацыяналістычных арганізацыяў. Прынамсі з 2014 года працавала на расейскую «фабрыку троляў». У 2018 годзе патрапіла пад санкцыі ЗША.
МГ belsat.eu