А прынялі на працу толькі 50 тысячаў.
Паводле звестак Белстату, у красавіку на працу прынялі на 17 тысячаў менш людзей, чым звольнілі. Новую працу знайшлі 50 тысячаў, а звольнілі 67 тысячаў. У сакавіку жа сітуацыя была крыху лепшая: новую працу знайшлі 53,7 тысячаў чалавек, а страцілі – 67 тысячаў.
У красавіку больш звольнілі, чым прынялі на працу ў гэтых сферах:
- прамысловасць
- гандаль, рамонт аўтамабіляў і матацыклаў
- адукацыя
- ахова здароўя
- транспарт, паштовая і кур’ерная дзейнасць
- паслугі па часоваму жытлу і харчаванню
- фінансавая і страхавая дзейнасць
- аперацыі з нерухомасцю
- творчасць, спорт, забавы і адпачынак
А прынялі больш людзей на працу ў наступных галінах:
- інфармацыя і сувязь
- прафесійная, навуковая і тэхнічная дзейнасць
- сфера адміністрацыйных і дапаможных паслуг
Агулам, у Беларусі скарачаецца колькасць людзей, занятых у эканоміцы. Так, у красавіку ў эканоміцы былі занятыя 4,32 мільёны чалавек. Гэта амаль на 18 тысячаў меней, чым у сакавіку.
КТ Belsat.eu
