Яны патрабуюць спынення гвалту і сумленных выбараў.
18:30. У Горадні на плошчы Леніна каля 15 тысячаў чалавек!
Сёння, 14 жніўня, у Горадні мэр гораду Мечыслаў Гой выйшаў на сустрэчу з пратэстоўцамі. Карэспандэнт «Белсату» перадае, што на плошчы Леніна сабралася некалькі тысячаў чалавек.
«Людзі просяць спыніць гвалт, раскрыць сапраўдныя вынікі выбараў і ўзбудзіць крымінальныя справы супраць кожнага сілавіка, якія ўдзельнічалі ў збіцці пратэстоўцаў, і супраць усіх хто фальсіфікаваў выбары. Таксама пытаюцца, чаму міліцыянты збівалі мірных людзей. Гарадзенцы патрабуюць прызнаць Ціханоўскую прэзідэнтам», – перадае наш карэспандэнт.
Мечыслаў Гой жа зазначае, што правядзенне выбараў – не ягоная кампетэнцыя.
Гарадзенцы перадалі мэру петыцыю. Асноўныя пункты:
Наш карэспандэнт перадае, што Гой забраў петыцыю і пайшоў з ёй у будынак гарвыканкаму.
Гарадзенцы паклікалі Віктара Шумеля – дырэктара стадыёну Нёман, які быў у камандзе Ціханоўскай. Яго запрасілі быць яго прадстаўніком народу. Зараз Шумель заклікае да бестэрміновай забастоўкі, людзі яго вітаюць і скандуюць, што ён іх новы мэр. А цяперашні кіраўнік Горадні Мечыслаў Гой схаваўся ў будынку гарвыканкаму.
КТ belsat.eu