БСБ піша, што праблемы будуць да 23:00.
Беларускія банкі ды іхныя кліенты паведамляюць пра праблемы з працай.
Гэтак, Прыёрбанк піша, што часова недасяжныя аперацыі па плацежных картках банку на сайтах, якія падтрымліваюць тэхналогію 3D- Secure.
«Вядуцца аператыўныя працы па аднаўленні працаздольнасці сістэм. Прыносім прабачэнні за часовыя нязручнасці», – заяўляюць у Прыёрбанку.
Таксама кліенты Статусбанку паведамляюць, што не могуць здзейсніць аплату праз прыкладанне, бо не прыходзіць сеансовыы пароль для пацверджання аплаты, піша TUT.by.
А БСБ Банк яшчэ 7 жніўня паведаміў пра “правядзенне запланаваных працаў па абнаўленні праграмнага забеспячэння ў Банку 9 жніўня ў прамежак часу з 16:00 да 23:00, у сувязі з чым, магчыма, часова будуць недаступныя сэрвісы 24.bsb.by і мабільны банк.
Раней стала вядома пра праблемы працы тэлеграму, навіновых сайтаў, Youtube, Google і іншых сервісаў, якія працуюць праз інтэрнэт.
МГ belsat.eu