У Беларусі распачалося датэрміновае галасаванне


З 12 лістапада ў Беларусі распачынаецца датэрміновае галасаванне па выбарах у Палату прадстаўнікоў Нацыянальнага сходу. Прагаласаваць датэрмінова на выбарчых участках выбарнікі могуць да 16 лістапада.

Датэрмінова прагаласаваць могуць асобы, якія ў асноўны дзень выбараў не маюць магчымасць наведаць выбарчыя ўчасткі. Пры гэтым нейкага пацвярджэння прычынаў немагчымасці прыйсці на выбарчы ўчастак у асноўны дзень выбараў не патрабуецца. Выбарчыя ўчасткі для датэрміновага галасавання адчыненыя з 12 да 16 лістапада з 10 да 14 і з 16 да 19 гадзінаў.

Пры гэтым ЦВК паведамляе, што датэрміновае галасаванне не ладзіцца на выбарчых участках у санаторыях, прафілакторыях, дамах адпачынку, шпіталях.

Чаму перад выбарамі не знізілі цэнаў ды істотна не падвысілі заробкаў?

Паводле незалежных назіральнікаў і праваабаронцаў, датэрміновае галасаванне дае магчымасці для фальсіфікацыі вынікаў выбараў. Праз гэта падчас кожнай выбарчай кампаніі праваабронцы канстатуюць выпадкі ціску на вайскоўцаў, студэнтаў і дзяржслужбоўцаў, якіх змушаюць галасаваць датэрмінова.

Выбары ў Палату прадстаўнікоў адбудуцца 17 лістапада.

Званкі, пагрозы ў Вайбэры, каментары на YouTube. Хейт супраць кандыдатаў

 

СК belsat.eu

Глядзі таксама
Каментары