Цягам дня 7 жніўня чытачы belsat.eu паведамлялі аб праблемах са зняццем наяўных грошай з банкаматаў у розных кропках Беларусі.
Акрамя таго, у Менску чэргі выстраіліся і да пунктаў абмены валюты. У тэлеграм-чатах карыстальнікі скардзяцца, што там бракуе як замежнай валюты, так і беларускіх рублёў.
Нашыя чытачы таксама паведамілі, што ў Наваполацку ў банкаматах няма грошай, а ў крамах і кавярнях не даюць рэшту. У мясцовых аддзяленнях банку выстраіліся чэргі за наяўнымі.
У Глыбокім ужо два дні не працуе банкамат «Белаграпрамбанку».
Афіцыйная інфармацыі ад банкаў у сувязі з гэтай праблемай пакуль не было.
КА belsat.eu