Самая высокая тэмпература паветра 26 красавіка, зафіксаваная ў Гомлі, склала +27,8ºС.
Раней падобны рэкорд адзначаўся ў Горадні ажно 26 гадоў таму – вясною 1993 года, калі паветра прагрэлася да +26.
Як паведамляе Белгідрамет, незвычайна цёплае для канца красавіка надвор’е трымаецца па краіне ўжо некалькі дзён. Сярэдняя тэмпература паветра на 2-7 ºС перавышае кліматычную норму. Праз гэта, а таксама праз адсутнасць ападкаў у Беларусі назіраецца спад узроўняў вады на рэках, распачаліся лясныя пажары.
МНС увяло забарону на наведванне лясоў праз высокую пагрозу узгаранняў. Лясгасы працуюць у кругласутачным рэжыме.
Спёка захаваецца на працягу выходных, але ўжо ў пачатку наступнага тыдня з прыходам скандынаўскага антыцыклону пахаладае.
KA belsat.eu
