Трамп прапанаваў стварыць дзяржаву Палестына

Прэзідэнт ЗША Доналд Трамп прадставіў свой план па ўрэгуляванні палестына-ізраільскага канфлікту.

28 студзеня ў Белым доме па выніках сустрэчы з прэм’ер-міністрам Ізраілю Бэньямінам Нэтаньягу амерыканскі лідар прапанаваў стварэнне паўнавартаснай палестынскай дзяржавы са сталіцай ва Усходнім Ерусаліме, піша DW.

https://belsat.eu/news/zsha-pryznayuts-ierusalim-stalitsaj-izrailyu-i-peranyasuts-tudy-svayu-ambasadu/

Доналд Трамп заявіў, што Іерусалім будзе заставацца «непадзельнай сталіцай» Ізраілю, але разам з тым будзе забяспечана стварэнне «палестынскай сталіцы ва Усходнім Іерусаліме, дзе Амерыка з гонарам адкрые пасольства».

Нэтаньягу ў сваю чаргу назваў гэты план «рэалістычным шляхам» дасягнення доўгатэрміновага міру ў рэгіёне. Ізраільскі прэм’ер адзначыў, што адкрыты для перамоваў з палестынцамі для прасоўвання «да будучай дзяржавы». Пры гэтым, паводле яго, палестынцы павінны прызнаць Ізраіль.

https://belsat.eu/news/genasambleya-aan-zaklikala-ne-pryznavats-ierusalim-stalitsaj-izrailyu/

Таксама Нэтаньягу заявіў, што дзеянне ізраільскага закону будзе распаўсюджвацца на частку Заходняга берага ракі Іярдан і на ўсе ізраільскія паселішчы ў Юдэі і Самарыі.

Палестына-ізраільскі канфлікт цягнецца з 1948 года, калі арабскія краіны абвесцілі вайну новаўтворанай габрэйскай дзяржаве.

МГ belsat.eu

Hавiны