Ён ужо падаў заяву ў Цэнтрвыбаркам.
Віталь Зялкоўскі, які стаў вядомы як мем «суровы турыст», будзе ўдзельнічаць у прэзідэнцкай кампаніі. На сваёй старонцы «Вконтакте» ён выклаў скрыншот заявы аб рэгістрацыі сябе ў якасці кандыдата.
Яшчэ раней Віталь распавядаў «Белсату», што ён мае сур’ёзны намер узяць удзел у прэзідэнцкіх выбарах. Тады ён адзначыў, што яго цікавіць галоўным чынам змены ў краіне менавіта праз выбары, мірным шляхам.
Паводле Віталя, змены адбудуцца ўжо досыць хутка, але дзеля гэтага неабходна добра падрыхтавацца. У інтэрвʼю ён адзначаў, што Лукашэнка перанасыціўся ўладай і стаміўся працаваць.
У 2014 годзе Зялкоўскі далучыўся да партыі Гайдукевіча.
Віталю 39 гадоў, ён нарадзіўся ў Маладзечне, зараз жыве ў Менску і працуе ў IT-сферы. Праславіўся ў інтэрнэце сваімі фотаздымкамі з суровым тварам на фоне розных еўрапейскіх славутасцяў.
Апроч яго аб намеры ўдзельнічаць у прэзідэнцкіх выбарах заявілі Ганна Канапацкая, Валер Цапкала, Віктар Бабарыка, Сяргей Ціханоўскі, Павел Спірын, Юрый Ганцэвіч.
КТ Belsat.eu