У сталіцы на плошчы Свабоды на перадвыбарчы мітынг, які анансаваў палітык Мікола Статкевіч, прыйшлі каля сотні чалавек, паведамляе карэспандэнт belsat.eu.
На мітынгу выступілі патэнцыйныя кандыдаты ў дэпутаты Палаты прадстаўнікоў. Сярод удзельнікаў – палітыкі Мікола Статкевіч і Павел Севярынец, абаронцы Курапатаў, актывісткі руху «Маці 328». Акцыя прайшла пад лозунгамі супраць інтэграцыі з Расеяй.
Напярэдадні акцыі тэлеграм-канал NEXTA апублікаваў службовыя дакументы МУС за подпісам начальніка ГУУС Менгарвыканкаму палкоўніка Любімава – паводле дакументаў, дзеля забеспячэння «аховы правапарадку падчас несанкцыянаваных акцыяў 6 кастрычніка» ў сталіцы мабілізаваныя 1045 міліцыянтаў.
Сёння перадапошні дзень збору подпісаў за патэнцыйных кандыдатаў у дэпутаты. З наступнага тыдня ЦВК пачне працэдуру рэгістрацыі кандыдатаў у дэпутаты Палаты прадстаўнікоў.
АА belsat.eu