Галасаваць яна будзе ў Маскве.
Прадстаўніца аб’яднанага штабу кандыдаткі ў прэзідэнты Беларусі Святланы Ціханоўскай Вераніка Цапкала пакінула Беларусь, паведаміла TUT.by прэс-служба штабу.
«Мы паважаем рашэнне Веранікі. Сітуацыя няпростая. Мы лічым, кожны мае права ацэньваць рызыкі для сябе самастойна», – заявілі ў штабе.
Галасаваць на выбарах Цапкала будзе ў Маскве.
У ліпені Беларусь з дзецьмі пакінуў муж Веранікі Валерый Цапкала, які быў адным з прэтэндэнтаў на прэзідэнцкую пасаду.
Супраць Валерыя Цапкала турэцкі бізнесмен Седат Ігдэджы падаў пазоў аб абароне гонару, годнасці і дзелавой рэпутацыі. Паводле яго, палітык падчас стрыму несправядліва назваў яго ашуканцам і падманшчыкам. Цапкала, у сваю чаргу, прасіў прыцягнуць да крымінальнай адказнасці бізнесоўца за ілжэсведчанне.
Ігдэджы таксама заяўляў, што ў яго «ёсць усе дакументы» і на Вераніку Цапкала.
МГ belsat.eu