Расея спыніла пастаўкі нафты ў Беларусь. А мы – экспарт нафтапрадуктаў


Расея з 1 студзеня 2020 года спыніла падачу нафты для НПЗ Беларусі. Пра гэта паведамляе «РИА Новости» са спасылкай на крыніцу ў нафтавай галіне Беларусі. Пазней гэтую інфармацыю belsat.eu пацвердзілі ў канцэрну «Белнафтахім».

«Транспартавання ў напрамку беларускіх нафтаперапрацоўчых заводаў няма», – паведаміла крыніца.

Паводле крыніцы, падача нафты спынілася з 1 студзеня 2020 года, а «бесперапынныя партыі скончыліся 31 снежня».

Пры гэтым суразмоўца агенцтва звярнуў увагу, што ў беларускага боку ёсць нафтавыя запасы і НПЗ пакуль працуюць у штатным рэжыме.

У канцэрны «Белнафтахім» пацвердзілі факт спынення паставак.

«Так, пастаўкі спыненыя. Цяпер актыўна працуем над заключэннем новых студзеньскіх кантрактаў. Але НПЗ сваю працу не спынялі. НПЗ працуюць у штатным рэжыме. Загрузка вытворчых магутнасцяў зніжаная да тэхналагічнага мінімуму», – распавялі belsat.eu у канцэрны.

У «Белнафтахіме» не ўдакладнілі, якімі абʼемамі запасаў нафты валодаюць НПЗ і на колькі гэтых запасаў хопіць без новых паставак з Расеі.

У звязку з адсутнасцю паставак нафты з Расеі з 1 студзеня Беларусь часова прыпыніла экспарт нафтапрадуктаў.

Hавiны
Беларусь спыніла экспарт нафтапрадуктаў, каб эканоміць «для патрэбаў унутранага рынку»
2020.01.03 17:24

Кіраўнік навукова-даследчага цэнтру Мізэса, эканаміст Яраслаў Раманчук лічыць, што калі пастаўкі нафты на беларускія НПЗ не адновяцца, то гэта будзе мець цяжкія наступствы для эканомікі Беларусі. Дзеянні Расеі ў інтэрв’ю belsat.eu ён назваў шантажом.

Hавiны
Лукашэнка загадаў нафтавікам пачаць шукаць пастаўшчыкоў нафты па-за Расеяй
2019.12.31 15:42

3 студзеня прадстаўніца аддзелу камунікацыяў Міністэрства транспарту Латвіі Івета Канцэна заявіла, што латвійскія прадпрыемствы гатовыя аказаць Беларусі паслугі па перагрузцы, захоўванню і транспартаванню нафты.

ІІ,ЮВ belsat.eu

Стужка навінаў