Прэзідэнт Расеі прапанаваў Вялікай Брытаніі забыць пра гісторыю з атручваннем экс-афіцэра ГРУ Сяргея Скрыпаля і ягонай дачкі, паведамляе Reuters.
«Трэба ў рэшце рэшт перагарнуць гэтую старонку, звязаную са шпіёнамі, з замахамі», – заявіў Пуцін на сустрэчы з кіраўнікамі інфармацыйных агенцыяў на Пецярбургскім эканамічным форуме.
Наконт абвінавачванняў Лондана ў атручванне Скрыпаля расейскімі спецслужбамі, Пуцін сказаў:
«Ён ваш агент, а не наш, значыць гэта вы супраць нас шпіёнілі. Што там з ім далей адбывалася, мне цяжка сказаць, але трэба гэта ўсё забыць у рэшце рэшт».
У адказ у брытанскім урадзе заявілі, што адносіны паміж Лонданам і Масквой могуць палепшыцца толькі, калі Масква зменіць свае агрэсіўныя і дэстабілізуючыя паводзіны.
КА belsat.eu