Беларускі спявак, аўтар песень, лідар гурту «Leibonik» Сяргей Башлыкевіч выпусціў кліп на песню «COVID-19».
Як адзначыў музыка, самаізаляцыя «з’яўляецца стымулам для мамкіных рэпераў».
У сваім новым спеве пра каронавірус Сяргей Башлыкевіч распавядае біяграфію COVID-19, які «муціраваў, як мог».
«Прысягні на славу кароны, табе ўратавацца не дапамогуць забароны. Што б ты ні зрабіў, ўсё роўна будзе мала, купі грэчку і паперу і сачы з-пад адзеяла», – спявае музыка.
Між тым у «Leibonik» 19 сакавіка ў Менску мусіў адбыцца канцэрт, але праз каронавірус ён быў перанесены на 7 траўня.
МГ belsat.eu