6 жніўня быў запланаваны вялікі мітынг і канцэрт у парку Дружбы народаў дзеля падтрымання Святланы Ціханоўскай. Але за некалькі дзён да акцыі сталічныя ўлады заявілі, што ў гэты час у парку будзе іншая імпрэза, таму пікет кандыдаткі на прэзідэнцтва забаранілі. Замест гэтага аб’яднаны штаб выказаў намер наведаць Кіеўскі сквер, дзе таксама адбывалася акцыя ўладаў, прысвечаная дадатковай адукацыі. Фотарэпартаж Алісы Ганчар.
Святлана Ціханоўская, Марыя Калеснікава і Вераніка Цапкала прыйшлі да месца акцыі, але не змаглі патрапіць на тэрыторыю Кіеўскага сквера. У апошні момант ахова параіла Ціханоўскай устрымацца ад наведвання імпрэзы. Паводле медыяў у акцыі ў Кіеўскім скверы ўзялі ўдзел некалькі тысяч чалавек.
Фота Аліса Ганчар belsat.eu