«Белсату» стала вядома пра затрыманне міліцыянтамі актывіста Максіма Вінярскага, Андрэя Войніча, Віталя Трыгубава і кіроўцы таксі, у якім яны вярталіся з акцыі. У аўтамабіле знаходзілася гукаўзмацняльная апаратура і плакаты.
Дзе цяпер актывісты, невядома. Іх маглі забраць у РУУС Савецкага раёну. Нумар Максіма Вінярскага недасяжны.
Запіс затрымання Віталь Трыгубаў выклаў у Facebook.
Некалькімі гадзінамі раней падчас пікету па зборы подпісаў за вылучэнне кандыдатам у прэзідэнты Святланы Ціханоўскай у цэнтры сталіцы затрымалі актывіста Дзяніса Урбановіча. Сувязі з ім таксама няма.
Чальцоў ініцыятыўнай групы Святланы Ціханоўскай і актывістаў затрымалі таксама ў іншых гарадах.
31 траўня ў Менску і Берасці прайшлі пікеты па зборы подпісаў за вылучэнне кандыдатам у прэзідэнты Святланы Ціханоўскай. «Белсат» зладзіў стрым з месцаў падзеяў.
ДР belsat.eu