Жыхары Якімавай Слабады трэці тыдзень пратэстуюць супраць цэлюлознага заводу: у людзей баліць горла і ідзе кроў з носа. Сёння распачаліся грамадскія слуханні вакол праблемы.
25 снежня жыхары вёскі Якімава Слабада выйшлі на пратэст з патрабаваннем вырашыць праблему са «смярдзючым заводам»: вяскоўцы скардзяцца на непрыемны пах, які ідзе з заводу беленай цэлюлозы, што быў нядаўна тут пабудаваны.
Супольны беларуска-кітайскі праект каштаваў сотні мільёнаў долараў, але запрацаваў цішком, без помпы напрыканцы мінулага года.
Людзі кажуць пра боль у горле і кашаль. У некаторых ідзе нават кроў з носа. Жыхары патрабуюць забяспечыць сталы экалагічны кантроль за прадпрыемствам і мінімізаваць шкодныя выкіды.
Сёння ў вёсцы распачалося грамадскае абмеркаванне праблемаў, якія выклікае прадпрыемства. Стрым з залі паседжання ладзіць журналістка Ларыса Шчыракова.
ДД