8 сакавіка хлопец 1999 года нараджэння абстраляў з кватэры на першым паверсе вокны трох маршрутных гарадскіх аўтобусаў і аўта, падае прэс-служба УУС Гарадзенскага аблвыканкаму.
Кіроўца легкавіка першы звярнуўся ў міліцыю з заявай аб тым, што ў яго машыну трапіў камень, пашкодзіўшы шкло.
Праз некаторы час у міліцыю пачалі паступаць паведамленні аб падобных выпадках: кіроўцы гарадскіх аўтобусаў выяўлялі характэрныя пашкоджанні на шкле.
На месцы здарэння міліцыянты ўсталявалі, што пашкоджанні наносілі ня камяні, а стралок.
У выніку абстрэлу ў аўтобусах пашкоджана шэсць вокнаў, а таксама пярэдняя бакавая шыба ў аўтамабілі.
У момант стрэлу ў аўтобусах былі пасажыры, а на заднім сядзенні аўта знаходзілася дзіця. Аднак ніхто не пацярпеў.
Нецвярозага стралка затрымалі. На яго завялі крымінальную справу за хуліганства. Хлопцу пагражае да трох гадоў зняволення.
ДД
