На волю выйшлі топ-менеджары гандлёвай сеткі «Суседзі», у тым ліку саўладальнік і дырэктар кіроўнай кампаніі Вадзім Аванесаў. Пра гэта паведамляе «Наша Ніва».
У якім статусе выпусцілі топ-менеджараў, невядома.
Пра затрыманне кіраўніцтва «Суседзяў» стала вядома 22 кастрычніка. У медыях згадвалася толькі прозвішча Вадзіма Аванесава. Пазней пракуратура гораду Менску санкцыянавала выкарыстанне ўзяцце пад варту ў крымінальнай справе дырэктара кіроўнай арганізацыі «Суседзяў».
Саму справу паводле ч.2 арт.425 («Бяздзеянне службовай асобы») пачало менскае ўпраўленне ДФР КДК.
Як паведамляецца ў прэс-рэлізе Генпракуратуры, дырэктар ведаў аб дырэктыве Аляксандра Лукашэнкі наконт цэнаў, аднак «не прыняў належных і своечасовых захадаў для недапушчэння неабгрунтаванага росту цэн». Гэта прывяло да пераацэнкі кошту тавараў у 100 крамах сеткі і росту рознічных цэн на не менш як 65 асартыментных пазіцыяў, сцвярджае следства.
Якуб Хруст belsat.eu
