Ірына Гарашына.
Фота: «Вясна»
Нагодай для затрымання Ірыны Гарашынай стаў нібыта «сліў дадзеных» міліцыянтаў, паведамляе «Вясна».
Яе паклікалі ў міліцыю, каб аддаць тэлефон, але ў выніку затрымалі супрацоўнікі ГУБАЗіК. Супраць Ірыны распачалі крымінальную справу па факце незаконных дзеянняў у дачыненні да інфармацыі аб прыватным жыцці і персанальных дадзеных.
МУС паведаміў пра устаноўлены факт таго, што ў верасні мінулага года ў адным з Telegram-каналаў, прызнаным пасля экстрэмісцкім, яна публікавала персанальныя звесткі супрацоўнікаў міліцыі, размяшчала заклікі да пратэстнай дзейнасці.
У 35-гадовай Ірыны дома засталіся двое непаўналетніх дзяцей.
МГМ, belsat.eu
