Ліцэй Беларускага дзяржаўнага ўніверсітэту разам з грамадскай арганізацыяй «Афіцэрскі сход Камітэту дзяржаўнай бяспекі Рэспублікі Беларусь» анансавалі правядзенне культурніцка-патрыятычнага конкурсу «Першыя сярод роўных», паведамляецца на сайце ліцэю.
З 1 кастрычніка да 10 снежня 2022 года КДБ разам з ліцэем БДУ правядуць конкурс «Першыя сярод роўных». Культурніцка-патрыятычны конкурс ладзіцца ў шасці намінацыях. Удзельнікам прапаноўваюць стварыць «Графічны раман (комікс)», «Віруснае відэа», узяць удзел у намінацыях «Літаратура», «Музыка», «Харэаграфія», «Дыджытал рашэнне».
У межах гэтых намінацыяў удзельнікам прапаноўваюць намаляваць комікс пра Фелікса Дзяржынскага, стварыць станоўчы вобраз працаўніка КДБ у відэасюжэтах ці музычных роліках.
Вынікі конкурсу агучаць да канца года. Пераможцы ў кожнай намінацыі атрымаюць дыплом і 2500 рублёў.
Алена Аляксандрава belsat.eu
