Ён сказаў, што ўсё законна.
18 жніўня на размову з акторамі Нацыянальнага акадэмічнага тэатру імя Янкі Купалы прыехаў міністр Юрый Бондар.
Перад прыездам міністра каля Купалаўскага выступіла прадстаўніца аб’яднанага штабу Марыя Калеснікава са словамі падтрымкі звольненаму дырэктару тэатру Паўла Латушку і акторам тэатру.
«Ніякія міністэрствы, ніякія чыноўнікі не павінны ўплываць на творчасць, творчасць павінна быць свабоднай», – сказала яна, піша радыё «Свабода».
Калі міністр Юрый Бондар прыехаў у тэатр, на вуліцы яго сустрэлі воклічамі «Ганьба!». Міністр заявіў, што Павал Латушка звольнены законна, а ў тэатр будзе прызначаны новы кіраўнік.
Купалаўцы скандавалі міністру «Сыходзь!». Акторы далі содні, каб міністэрства аднавіла на пасадзе Латушку і каб дзейны міністр падаў у адстаўку.
Пры канцы размовы купалаўцы заявілі, што наступнага тэатральнага сезону не будзе, і паклалі перад міністрам заявы аб звальненні.
Будынак тэатру ўпрыгожаны бел-чырвона-белымі сцягамі.
Міністр культуры Беларусі звольніў Паўла Латушку з пасады дырэктара Купалаўскага тэатру 17 жніўня. Латушка падтрымаў пратэсты супраць фальсіфікацыі вынікаў прэзідэнцкіх выбараў у Беларусі і катаванняў затрыманых. Акторы тэатру заявілі, што збіраюцца падаваць заявы аб звальненні.
МГ belsat.eu