Будынак Нацбанку на Незалежнасці, 20 у Менску ачапілі, на месцы працуе АМАП, выехалі аўтамабілі МНС. Пра гэта піша TUT.BY.
«На электронную пошту нам паступіла паведамленне пра мініраванне будынку, цяпер вядзецца правяранне», – сказалі ў прэс-службе Нацбанку.
Эвакуацыя працаўнікоў пры гэтым не праводзілася, усе знаходзяцца на сваіх месцах.
У МНС патлумачылі, што выратавальнікі выехалі паводле інструкцыі па ўзаемадзеянні з міліцыяй.
У каментары«Белсату» у прэсавай службе МНС адзначылі, што ніякага надзвычайнага здарэння на месцы няма.
У сваю чаргу Следчы камітэт паведамляе, што сапраўды, на месцы здарэння працуюць следчыя, паколькі паступіла паведамленне пра мініраванне будынку Нацыянальнага банку. Працуюць сапёрна-піратэхнічная і следча-аператыўная групы.
Абставіны здарэння высвятляюцца.
Па стане на 12.30 правяранні завершаныя, супрацоўнікі МНС і Следчага камітэту знялі стужкі.
СК belsat.eu
