Уночы на нядзелю невядомыя павесілі на лясах вакол бажніцы ў Солсбэры расейскі сцяг.
Раніцай рабочыя яго прыбралі.
Солсбэрыйская катэдра – гатычны сабор Дзевы Марыі ў англійскім горадзе Солсбэры, які лічыцца чыстым узорам ангельскай готыкі. Закладзены ў 1220 годзе, асвячоны ў 1258 г. і канчаткова дабудаваны ў пачатку XIV стагоддзя.
123-метровы шпіль сабора ў Солсбэры – самы высокі ў Англіі. Катэдральны гадзіннік, створаны ў 1386 годзе, лічыцца найстарэйшым гадзіннікавым механізмам у свеце з тых, што функцыянуюць да сёння.
Шырокую вядомасць святыня набыла пасля інтэрв’ю RT з Аляксандрам Пятровым і Русланам Башыравым, якіх Вялікая Брытанія абвінавачвае ў атручванні расейскага выведніка Сяргея Скрыпаля.
Паводле следства «Bellingcat» ды «Insider», «Пятроў» і «Башыраў» – палкоўнікі ГРУ Аляксандр Мішкін і Анатоль Чапіга.
ДД