Белгідрамет папярэдзіў пра неспрыяльную з’яву.
Паводле сіноптыкаў, у нядзелю, 9 студзеня, на асобных участках дарог рэспублікі чакаецца галалёд.
Праз гэта абвешчаны жоўты ўзровень небяспекі.
За апошнія двое содняў (з 9 гадзін раніцы 7 студзеня да 9 гадзін раніцы 9 студзеня) у Менску выпала 42% студзеньскай месячнай нормы ападкаў – 19 мм (1 мм ападкаў адпавядае 1-1,5 см снегу).
Вышыня снежнага покрыва ў сталіцы складае 23 см, у Магілёве – 15 см, Віцебску – 8 см, Берасце і Гомлі – 2 см, Горадні – 1 см. Снегу няма толькі ў некаторых раёнах Берасцейскае вобласці.
ІК, belsat.eu
