Магілёўскі абласны саюз спажывецкіх таварыстваў дасылае ў раённыя спажывецкія таварыствы разнарадку на атрыманне ў Глускім райпо малінавага варэння ў мэтах умацавання імунітэту і прафілактыкі прастудных захворванняў сярод насельніцтва. Копію дакументу апублікаваў у сваім тэлеграм-канале блогер NEXTA.
Згодна з дакументам, раённыя спажывецкія таварыствы атрымалі разнарадку на атрыманне ад Глускага райпо малінавага варэння і працёртых чорных парэчак.
Намеснік старшыні праўлення Магілёўскага аблспажыўсаюзу рэкамендуе таксама ўключыць гэтую прадукцыю ў навагоднія наборы працаўнікам спажывецкай кааперацыі.
ДД