Раніцай 19 студзеня на беразе Свіслачы, непадалёку ад гатэлю «Беларусь», жанчына падчас шпацыру выявіла труп мужчыны. Пра гэта паведамляе агенцыя «Минск-Новости».
Жанчына шпацыравала ўздоўж узбярэжжа Свіслачы з сабакам. Труп чалавека выявіў яе гадаванец. Цела мужчыны знаходзілася паблізу пешаходнага маста, які злучае гатэль і Палац спорту. Жыхарка сталіцы выклікала хуткую дапамогу. Пазней прыбылі і следчыя органы.
Паведамляецца, што памерлы мужчына на выгляд 30-35 гадоў.
2-га студзеня ў Свіслачы падчас ачышчальных працаў камунальнікі знайшлі спартовую торбу з парэшткамі чалавечых канцавінаў. Апынулася, што гэта парэшткі жанчыны, якую забіў замежнік. Яму выстаўлена абвінавачванне.
СК belsat.eu