5 студзеня сталічныя міліцыянты высветлілі асобу жанчыны, парэшткі якой былі знойдзеныя 2 студзеня 2020 года ў рацэ Свіслач.
Жанчыне было 37 гадоў. Яе цела знойдзена супрацоўнікамі органаў унутраных спраў у кватэры аднаго з дамоў па вуліцы Раманаўская Слабада, паведамляе Telegram-канал МУС Беларусі.
Цяпер на месцы здарэння працуе следчая група цэнтральнага апарата Следчага камітэту, паведамляе Telegram-канал СК.
3 студзеня па гэтай справе праваахоўнікі прыйшлі з ператрусам у кватэру Алега Волчака, праваабаронцы і былога грамадскага следчага па справе «эскадронаў смерці». Паводле слоў Волчака, міліцыянты нічога не знайшлі.
Чалавечыя парэшткі знайшлі ў Свіслачы падчас ачышчальных працаў. Камунальнікі дасталі з ракі спартыўную сумку з канечнасцямі жанчыны.
ЮВ/АА belsat.eu
